Нийгэм ,Нийслэл

ЭНЭ ОНД ХҮҮХДҮҮДИЙН ЭРХ ЗҮЙН МЭДЛЭГ, ЭКОЛОГИЙН БОЛОВСРОЛД АНХААРЧ АЖИЛЛАНА

2025/03/19
Хүрээлэн буй орчны эсрэг гэмт хэргээс урьдчилан сэргийлэх Дэд зөвлөлийн 2025 оны анхдугаар хуралдаан өнөөдөр (2025.02.19) боллоо. Хуралдаанаар Дэд зөвлөлийн 2024 оны төлөвлөгөөний хэрэгжилт болон энэ оны төлөвлөгөөний төслийг танилцуулж, баталлаа.
Гэмт хэргээс урьдчилан сэргийлэх ажлыг зохицуулах зөвлөлийн Ажлын албаны дарга Л.Нямгэрэл энэ онд өсвөр насны хүүхдүүд, сурагчдын эрх зүйн мэдлэг ойлголт, тэр дундаа экологийн боловсролыг нэмэгдүүлэхэд анхаарч ажиллахыг хуралдааны үеэр онцолсон.
Түүнчлэн Хүрээлэн буй орчны эсрэг гэмт хэрэгтэй тэмцэх, урьдчилан сэргийлэх хууль тогтоомжийн хэрэгжилтийг хангах, энэ төрлийн гэмт хэргийн шалтгаан, нөхцөлийг судлах, албан хаагчдын мэдлэг, чадварыг дээшлүүлэх хүрээнд үйл ажиллагааг 2025 онд хэрэгжүүлэхээр боллоо.
Дэд зөвлөлийн гишүүд хүрээлэн буй орчны эсрэг гэмт хэргийн нөхцөл байдал, анхаарах асуудал, амьд ертөнцийн индекс ба хамтын ажиллагаа, Байгаль орчин, уур амьсгалын өөрчлөлтийн яамнаас цаашид хэрэгжүүлэх ажил болон Луужин амьтан судлалын нийгэмлэгийн мэдээлэл сонсож, санал солилцов.

Холбоотой мэдээ

Н.Намуу: Түргэн тусламж, гал унтраах машин зэрэгт зам тавьж өгсөн нь тогтоогдвол торгохгүй
АТГ: Нийтийн албанд томилогдохоор нэр дэвшсэн 419 иргэний урьдчилсан мэдүүлгийг хянав
“Та мөнгө хожлоо” гэх худал мэдээллийн дагуу холбогдож, 3 сая 300 мянган төгрөг залилуулжээ

Сэтгэгдэл бичих

Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд SHUGELULEEGCH.mn хариуцлага хүлээхгүй.
Сэтгэгдэл 0