Улаанбаатар хотын ус хангамжийг нэмэгдүүлэх АНУ-ын “Мянганы сорилтын сан”-аас хэрэгжүүлж буй төслийн хүрээнд Ус хангамжийн Баруун эх үүсвэрийг ирэх арваннэгдүгээр сард ашиглалтад оруулахаар болжээ.

Энэ тухай тус төслийн захирал Б.Батсүх хэлэхдээ “Улаанбаатар хотын баруун талд байх ус хангамжийн хамгийн том эх үүсвэр Биокомбинатын 16, Шувуун фабрикийн 14 гүний худгаас усаа авч цэвэршүүлэн нийслэлийн иргэдийг ундны усаар хангах үйлдвэрийг барьж байна. Одоогийн байдлаар шугам хоолой, худгийнб үтээн байгуулалтын гүйцэтгэл 70%-д хүрсэн, энэ оны XI сарын сүүлчээр ашиглалтад орно” гэжээ.

Одоо баригдаж буй Баруун эх үүсвэр нь 50 сая метр куб ундны ус нийлүүлэх хүчин чадалтай юм байна. Энэ хүчин чадлаар нь аваад үзвэл нийслэлийн баруун талд баригдах шинэ суурьшлын бүсийг ч усаар хангах боломжтой юм. Ус хангамжийн Баруун эс үүсвэрийн гүний худаг, шугам хоолойг Израил улсын компани гүйцэтгэж байгаа бол үйлдвэр барих, цус цэвэршүүлэх тоног төхөөрөмжийн угсралтыг Турк улсын компани гүйцэтгэж байна.

Үйлдвэрийн тоног төхөөрөмжийг суурилуулах ажил 96%-д хүрсэн бөгөөд ирэх долоодугаар сарын 5-нд Улсын комисс ажиллах юм. Үйлдвэр ашиглалтад орсны дараа Ус сувгийн удирдах газар үйл ажиллагааг хариуцах тулс ажилтнуудыг сургалтад хамруулж эхэлжээ.