Амралтын өдөр ОХУ-ын Ерөнхийлөгч Владимир Путин “Улаан өндөгний баярын эвлэрэл” гэж зарлан 30 цагийн хугацаанд довтолгоон хийхгүй гэж амласан. Гэсэн ч хоосон үг төдий зүйл байсан агаад дайны фронтод хоёр тал одоо ч байлдсаар байна. Украины Ерөнхийлөгч Владимир Зеленьскийн хэлж байгаачлан Оросын талаас гал зогсоох гэрээг нийт 3000 орчим удаа зөрчсөн гэж мэдэгдлээ. Харин ОХУ-ын төрийн мэдлийн “ТАСС” агентлаг Украины тал хэд, хэдэн удаа довтолсон гэж мэдээлжээ. ОХУ-ын Батлан хамгаалах яам Украины талаас гал зогсоох санаачилга хэрэгжиж эхэлсэн хугацаанд олон зуун нисгэгчгүй онгоц, пуужин харвасан гэж мэдэгдсэн байна.

ОХУ-ын арми 2022 оны хоёрдугаар сарын 24-ний өдөр Украины газар нутагт халдан довтолсноос хойш Украины газар нутгийн 20 орчим хувьд хяналтаа тогтоожээ. АНУ болон барууны улс орнуудаас гал зогсоох гэрээнд зуучлахад бэлэн гэж байгаа ч ОХУ-ын зүгээс тавьсан шаардлагыг нь биелүүлэхгүй бол гал зогсоох гэрээнд гарын үсэг зурахгүй гэдгээ мэдэгдсээр байгаа билээ.