Умард Солонгос улс ОХУ-ын талд зэвсэг нийлүүлэх голлог улс болон хувирч жил бүр олон тэрбум ам.долларын ашиг олж байгааг барууны хэвлэлүүд мэдээлжээ. Шинжээчдийн тооцоолсноор Орос-Украины цэрэг дайны ажиллагаа эхэлснээс хойш Умардын тал ОХУ-аас 20 орчим тэрбум ам.долларыг шууд болон шууд бус төлбөрөөр авсан байж болзошгүй. 

Өнгөрсөн 20 сарын хугацаанд их бууны олон сая сумны бараг талыг нь Умардын тал нийлүүлжээ. Ройтерс агентлагт нийтлэгдсэн хиймэл дагуулын болон нарийвчилсан гурван хэмжээст зургийг харвал ОХУ-ын дөрвөн хөлөг Умард Солонгоос 64 удаа бууны сум тээвэрлэжээ. Үүнийг тооцож үзвэл ойролцоогоор 4.2-5.8 сая хүртэлх сум тээвэрлэсэн байх магадлалтай.

Умард Солонгосын удирдагч Ким Жон Ун 2023 оны есдүгээр сард Москвад айлчлахдаа эрчим хүч, хөдөө аж ахуй, хүнс зэрэг чухал салбарт хамтран ажилласны хариуд ОХУ-ын батлан хамгаалах нөөцийг сайжруулах үүднээс чухал зэвсэг нийлүүлэх боломжтой тохиолдолд цэргүүдээ дайны фронтод илгээн гэдгээ амласан билээ. Энэ жил хоёр улс аюулгүй байдлын шинэ хэлэлцээрт гарын үсэг зурж, аль, аль тал гуравдагч этгээдийн халдлагад өртвөл харилцан хамгаалах тухай тусгасан нь олон улсын анхаарлын төвд орсон юм.