Хятадын дотоодын хөрөнгө оруулагчид хувьцааны өсөлтөө нэмэгдүүлэх, урт хугацаанд тогтвортой байлгахын тулд зэс болон алтны нөөцөө нэмэгдүүлж байгааг уул уурхайн портал Mining.com мэдээллээ. Түүхий эдийн зах зээлд өсөлт ихтэй байдаг дээрх хоёр металын нөөц ихтэй байх нь хувьцааны ханшны өсөлт үзүүлнэ гэж хөрөнгө оруулагчид таамаглаж байна.

Шанхайн хөрөнгийн биржийн хоёрдугаар ангилалд бүртгэлтэй CSI 300 индексийн компаниудын алт, зэсний нөөц тодорхой хэмжээнд өсжээ. Тухайлбал Шанхай, Шэньжэнь хотуудад бүртгэлтэй компаниудын зэс, алтны нөөц 10% орчим өссөн байна. Түүнчлэн алт, зэсийн олборлолтоор тэргүүлэгч Зижин болон Шандонг уурхайн нөөц нэг сарын хугацаанд 20% өссөн гэсэн дүн мэдээ гарчээ. Зэс зэрэг үндсэн метал олборлогчдын үйлдвэрлэл нэмэгдсэн нь аж үйлдвэрийн салбар сэргэсэнтэй холбоотой. Гэхдээ дотоодын нийлүүлэлт богино хугацаанд саарч байгаа нь тодорхойгүй байдал бий болгосоор байна.

Энэ онд CSI 300 индекст бүртгэлтэй компаниудын өсөлт ердөө 2.2% байгаа нь хөрөнгийн зах зээлд хамгийн муу үзүүлэлт юм. Тиймээс Хонконг болон Шанхайн биржид бүртгэлтэй компаниуд хувьцааны өсөлтөө хангахын тулд зэс, алт зэрэг металын нөөцөө нэмэгдүүлж байгаа ажээ. Хэдийгээр дэлхийн зах зээлд алт, зэсийн ханш өссөөр байгаа ч шинжээчид уг өсөлт нь хөөс байж болзошгүйг анхааруулсаар байна.