Өмнөд Солонгосын Ерөнхийлөгч Юн Сог Ёлын асуудлыг энэ баасан гарагт эцэслэн шийдвэрлэхтэй холбоотойгоор олныг хамарсан жагсаал, цуглаан зохион байгуулах хандлага өндөр байна. Улс төрийн үүднээс ихээхэн маргаан дагуулж буй уг асуудал жагсаал цуглаанаар зогсохгүй, олныг хамарсан эмх замбараагүй байдал үүсэж ч магадгүй байгаа юм. Тиймээс албаны болон аяллын шугамаар БНСУ-д зорчих иргэдийг олныг хамарсан үйл ажиллагаанд оролцохгүй байхыг анхаарууллаа.

БНСУ-ын Үндсэн хуулийн цэц энэ баасан гарагийн 11:00 цагт Юн Сог Ёлд итгэл үзүүлэх эсэх асуудлыг эцэслэн шийдвэрлэнэ. Тус шийдвэр нь 2024 оны 12 дугаар сард Үндэсни Ассамблейн хуралдааны олонхын саналаар түүнийг үүрэгт ажлаас нь түр чөлөөлснөөс хойш өрнө улс төрийн тогтворгүй байдлыг эцэслэн шийдвэрлэх чухал шийдвэр байх болон. Сүүлийн хэдэн өдөр Сөүл хотод Юн Сук Ёлыг дэмжсэн болон эсэргүүцсэн иргэдийн их, бага жагсаал болсоор байна. Зарим дүүрэгт том оврын трактор, ачааны машин ч оролцсон эсэргүүцлийн жагсаал болжээ. Одоогоор эмх замбараагүй байдал болоогүй ч цагдаа нар хүч нэмэгдүүлэн, бэлэн байдалд ажиллаж байна.