Сэтгэгдэл 0
Нийслэлийн Засаг даргын санаачлагаар 3 дахь жилдээ зохион байгуулагдаж буй “Амар байна уу” үзэсгэлэн худалдаа “Их наяд плаза” худалдааны төвийн 5,6 давхар, Соёолж молл их дэлгүүрийн 2 давхарт 26 дахь өдрөө үргэлжилж байна. Өнөөдөр Сүхбаатар дүүргийн нэрэмжит өдөрлөг амжилттай боллоо. Өдөрлөгт Сүхбаатар дүүргийн Засаг даргын Орлогч У.Өнөрцэцэг, Засаг даргын Тамгын газрын дарга Ө.Энхбаяр, хэлтэс нэгжийн дарга нар, Сүхбаатар жижиг дунд, үйлдвэрийг дэмжих төвийн дарга Х.Ууганбаяр болон мэргэжилтнүүд, дүүргийн үйлдвэрлэл эрхлэгчид, үйлчлүүлэгч иргэд оролцлоо. Өдөрлөгийн үеэр дүүргийн урлаг соёлын өвлөн уламжлагч авъяастнууд, сурагчдын төлөөлөл уран бүтээлийн дээжээсээ толилууллаа. Энэхүү үзэсгэлэн худалдаанд Сүхбаатар дүүргээс 70 гаруй үйлдвэрлэл эрхлэгчид оролцож, өнөөдрийн байдлаар 263 сая төгрөгний борлуулалт хийсэн байна. Мөн өдөрлөгт нийслэлийн Жижиг, дунд үйлдвэр, үйлчилгээг дэмжих төв НӨҮГ-ын дарга Д.Ундармаа, ажил хариуцсан мэргэжилтнүүдийн хамт оролцож, Сүхбаатар дүүргийн удирдлага, Засаг даргын Тамгын газраас жижиг, дунд бизнес эрхлэгчдээ дэмжин, ач холбогдол өгч оролцож байгаад талархал илэрхийлээд, үзэсгэлэн худалдааны явцад амжилттай оролцсон нийслэлийн 9 дүүргийн онцлог брэндүүдийг шалгаруулан шагнал гардуулсан юм.
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд SHUGELULEEGCH.mn хариуцлага хүлээхгүй.