Сүхбаатар дүүргийн зарим хороодын нутаг дэвсгэрийг хамарсан Сэлбэ голын ай сав дагуу халиа тошин үүссэн байршлууд бий. Эдгээр байршлуудад Сүхбаатар дүүргийн Засаг даргын Тамгын газрын Тохижилт, нийтийн аж ахуйн хэлтэс, хороодын Засаг даргын Ажлын алба, Сүхбаатар дэвшил ОНӨААТҮГ-аас тогтмол хяналт тавин ажиллаж, үүссэн нөхцөл байдалд тохирсон арга хэмжээг авч ажиллаж байна. Өнгөрсөн 7 хоногт 18 дугаар хорооны нутаг дэвсгэрт 250м суваг, шуудууг сэргээн, босгосон 540м далангийн мөсийг зөөж, нийтдээ 1800мкуб талбайн мөс, цасыг зөөж тээвэрлэн, иргэдийн аюулгүй байдлыг ханган, зорчих хөдөлгөөнийг саадгүй болгосон. Цаг агаар дулаарч шар усны үер үүсч болзошгүй тул холбогдох хэлтэс, нэгжүүд цас мөстэй байршлуудад үргэлжлэн ажиллаж байна. Өнөөдөр Сүхбаатар дүүргийн Засаг даргын Тамгын газрын дарга Ө.Энхбаяр, Тохижилт, нийтийн аж ахуйн хэлтсийн дарга Т.Эдмон нар 16, 20 дугаар хороодод ажиллалаа.

16 дугаар хороо Ойчидын гудамжинд халианаас үүссэн мөсийг цэвэрлэж, тээвэрлэлээ. Маргааш 18, 20 дугаар хороодын халиа тошинтой байршлуудад ажиллана.