ОХУ-ын Эрхүү мужийн Эрхүү хотын цагдаагийн газар Монгол Улсын харьяат, 53 настай Э.Нямхүү /Нямхуу Энхсайхана/-г эрэн сурваилж байна. Тэрээр хамгийн сүүлд гуравдугаар сарын 22-нд Лениний гудамжид байрлах Монгол Улсын консулын газрын ойролцоо үзэгджээ. Улмаар орон нутгийн цагаар тэр өдрийнхөө 10.00 цагийн орчимд хаа нэг зүг рүү гараад холбоо тасарсан.

Эрхүү мужийн Irk.ru цахим хуудаст мэдээлснээр тэрээр Улаан-Үүд рүү гарсан байж магадгүй. ОХУ-ын Дотоод хэргийн яамны Эрхүү мужийн Ерөнхий газрын хэвлэлийн албаны мэдээлснээр сураггүй алга болсон иргэн замдаа төөрсөн байж болзошгүй байна.

Монгол Улсын иргэн Э.Нямхүү нь 50-55 насны, 165 орчим см өндөртэй, хар өнгийн үстэй. Сураггүй болох үедээ саарал сүлжмэл малгай, ороолт, бараан өнгийн ажлын өмд, хар гуталтай байжээ.