Засгийн газраас хэрэгжүүлж байгаа түрээслээд өмчлөх хэлбэрээр орон сууцтай болгох тусгай хөтөлбөрт шат дараатай хамруулах хүрээнд “Онцгой байдлын байгууллагын алба хаагчдыг орон сууцжуулах хөтөлбөр”-ийг хэрэгжүүлж байна.

Тус хөтөлбөрийн үргэлжлэл Дорноговь аймгийн Онцгой байдлын газарт өрнөж, алба хаагчдад байрны түлхүүрийг нь гардуулан өглөө.

Энэ үеэр ОБЕГ-ын дарга, хошууч генерал Г.Ариунбуян “Онцгой байдлын байгууллагаас алба хаагчдынхаа нийгмийн баталгааг хангах, ажиллах орчин нөхцөлийг сайжруулах чиглэлээр томоохон бодлогын арга хэмжээ авч ажиллаж байна. Өнгөрсөн жилүүдэд аймаг, орон нутаг, нийслэлийн хэмжээнд 460 гаруй алба хаагчийг төсөл хөтөлбөрт хамруулж, өөрийн гэсэн орон сууцтай болгосон. Энэ ажил Дорноговь аймгийн анги, салбаруудын хэмжээнд цаашид ч зохион байгуулагдана” гэлээ.