Ойрх Дорнодын нөхцөл байдлаас шалтгаалан алтны ханш шинэ дээд амжилт тогтоолоо. Нью-Йоркын бирж дээр алтны спот ханш 3047 ам.долларт хүрээд байна. Газын зурваст Израилийн тал гэнэтийн дайралт хийсний дараахан алтны ханш 1.3% өсжээ. АНУ-ын Ерөнхийлөгч Дональд Трампын тарифын арга хэмжээ нь урт хугацаандаа АНУ-ын эдийн засгийн өсөлт саарна гэх дүгнэлтийн дараа ийнхүү ханш өссөн байна.

Дунд хугацаандаа алтны ханшны өсөлт хадгалагдана гэж судлаачид таамаглаж байгаа юм. АНУ-ын эдийн засгийн тодорхойгүй байдал, тарифын бодлого, худалдааны маргаан, халуун цэгүүд дэх зөрчилдөөн нь алтны ханшийг өдөөх гол хүчин зүйл бөгөөд ойрын хугацаанд алтны ханш 3100 ам.долларыг давж магадгүй байна.