Эдийн засгийн нөхцөл байдалтай холбогдуулан Эрчим хүчний зохицуулах хороонд дулааны үнэ нэмэх шидйвэрийг хойшлуулах арга хэмжээ авах чиглэл өгснийг ЗГХЭГ-ын дарга Н.Учрал мэдээллээ.

Эрчим хүчний зохицуулах хорооноос тавдугаар сарын 16-наас дулааны үнэ, есдүгээр сараас халуун, хүйтэн усны үнийг нэмэх шийдвэр гаргасан гэдгийг Монголбанк мэдээлэлдээ тодотгож байв. Гэсэн ч эдийн засгийн нөхцөл байдлаас шалтгаалан Засгийн газраас дээрх шийдвэрүүдийг хойшлуулах чиглэл баримтлахыг Засгий газраас үүрэг болгожээ.

Эрчим хүчний зохицуулах хорооны мэдээллээс харвал дулааны үнийг дунджаар 85% нэмэгдүүлэхээр тооцоолсон байдаг. Ингэхдээ аж ахуйн нэгжийн тариф 75%, айл өрхийн тариф нийслэлд 100% нэмэгдэхээр байгаа. Мөн айл өрхийн хэрэглээний халуун усны үнийг зуны улиралд нэг хүний сарын хэрэглээгээр тооцвол 2806 төгрөг байгааг 5612 төгрөг болгож байгааг онцолсон юм.
Засгийн газрын өнгөрсөн оны 11 дүгээр сард гаргасан шийдвэрийн дагуу дулааны үнэ халаалтын улирал дуусахад буюу тавдугаар сарын 16-ны өдрөөс нэмэгдэхээр байгаа юм. Тодруулбал: тавдугаар сарын 16-наас дулааны, есдүгээр сарын 16-наас халуун, хүйтэн усны үнийг нэмэх шийдвэр гарсан гэж мэдэгдэж байв.

Засгийн газрын эдгээр шийдвэрүүд нь инфляцыг хоёр оронтой тоонд хүргэхийг эдийн засагчид анхааруулсаар байсан юм. Ташрамд сануулахад Засгийн газар 2024 оны наймдугаар сард байгуулагдаж, мөрийн хөтөлбөрөө танилцуулахдаа инфляцыг дөрвөн жилд таван хувьд барина гэж тусгаж байлаа.