Гаалийн ерөнхий газрын мэдээллийг харвал Монгол Улсын эхний хоёр сарын экспорт өмнөх онтой харьцуулахад унасан байна. Тухайлбал Монгол Улс 2025 оны эхний хоёр сард нийт хоёр тэрбум ам.долларын бараа, түүхий эд экспортолжээ. Үүнийг өнгөрсөн оны мөн үетэй харьцуулбал 10.5% буурсан үзүүлэлт аж.

Эхний хоёр сарын экспортын 86.2% нүүрс, зэс, боловсруулаагүй, хагас боловсруулсан алт зэрэг уул уурхайн бүтээгдэхүүн эзэлж байна. Экспорт буурахад БНХАУ-ын дотоодын эдийн засгийн нөхцөл байдал, мөн АНУ-Хятадын хооронд үүссэн худалдааны маргаан голлон нөлөөлжээ. Зах зээл дээр нүүрсний үнэ огцом унасан нь мөн экспортын орлого буурахад нөлөөлсөн гэдгийг мэргэжилтнүүд хэлж байна.