Баянгол дүүргийн 5 дугаар хорооны нутаг дэвсгэрт үйл ажиллагаа явуулдаг нэр бүхий ресторанд 2025 оны 3-р сарын 11-ний өдөр үйлчлүүлсэн иргэн хоолны мөнгөө төлөхгүй цонхоор гарч зугтсан талаар цахим орчинд нийтлэгдээд байв. Тодруулбал, цонхоор гарч зугтсан иргэний уг бичлэг олон нийтийн сүлжээнд цацагдсан бөгөөд бичлэгт үндэслэн Цагдаагийн байгууллагаас шалгалтын ажиллагааг явуулж эхэлжээ.

Иймд иргэд та бүхэн үйлчилгээний байгууллагаар үйлчлүүлэх үедээ үйлчилгээний болон дарааллын журмыг зөрчихгүй, биеэ авч явах нийтээр хүлээн зөвшөөрөгдсөн хэм хэмжээ, хууль тогтоомжийг даган мөрдөж, аж ахуйн нэгж, байгууллагын хэвийн үйл ажиллагааг алдагдуулахгүй байхыг Цагдаагийн байгууллагаас зөвлөж байна.