Төв аймгийн Өндөрширээт сумын Талын-Уул гэх газарт түргэний машин том оврын автобустай мөргөлдөж зургаан хүн нас барж, хоёр хүүхэд гэмтсэн ноцтой осол гарчээ.

Урьдчилсан байдлаар Улаанбаатар-Арвайхаар чиглэлийн авто замын 170 дахь км-ын ойролцоо “Toyota Hiace” маркийн автомашины жолооч Э нь Улаанбаатар хотоос Завхан аймагт зорчиж явсан “Kia Grandbird” маркийн том оврын автобустай мөргөлдсөн байна. Улмаар том оврын автобуст зорчиж явсан таван хүн, жолоочийн хамт нийт зургаан хүн нас барж, хоёр хүүхэд гэмтсэн байна. Ослыг одоогийн байдлаар Төв Аймгийн цагдаагийн газар шалгаж байгаа юм.