Улаанбаатар хотод явган замын хавтанг чулуу болгож өөрчлөх нийт 15 багц ажил задарч, есөн аж ахуйн нэгжийг сонгон шалгаруулаад байна. Энэ тухай Нийслэлийн хөрөнгө оруулалтын газрын бүс хариуцсан ахлах инженер Н.Энхбаяр хэлэхдээ “Ирэх долоо хоногт цаг агаар дулаан байвал чулуун зам угсралтын ажил эхэлнэ. Өнгөрсөн өвөл чулуун замыг татан авх, бараа материал бэлтгэх ажил гүйцэтгэсэн” гэжээ.

Тухайлбал Чингисийн өргөн чөлөөний явган зам, Олимпын гудамж, “Хан Хиллс” хотхоноос “Хүннү” хотхон хүртэлх зам, Геологийн төв лабораторийн уулзвараас Офицеруудын ордон хүртэлх 4 багц ажил зэрэг есөн ажлын тендер зарлагджээ.