Оросын бүгд найрамдах Чечень, Дагестан улсад “Телеграм” аппыг хориглолоо. Учир нь уг аппликейшнээр дамжуулан эмх замбараагүй байдалд өдөөн турхирч, худал ташаа мэдээлэл тарж байгаа тул “аюулгүй байдлын үүднээс” хориглосон байна. ОХУ-ын хэд, хэдэн улстөрч “Телеграм” аппын хамгаалалт болон контентын зохицуулалт сул байгаа нь ноцтой үр дагавартай гэж өнгөрсөн жилээс хойш мэдэгдсээр байсан юм.

ОХУ-ын засаг захиргаа олон нийтийн сүлжээний хэд, хэдэн аппыг хориглох гэж байгаагийн дотор “Сигнал”, “WhatsApp” багтаж байна. Мөн дүр бичлэгийн “YouTube” сувагт нэвтрэх эрхийг хязгаарлахаар төлөвлөж байгаа юм.