Дүүжин замын тээвэр өлсийн барилга угсралтын ажлыг энэ сард эхлүүлэхээр болжээ. Төсөл хэрэгжих газар, талбайг чөлөөлөөд байна. Эхний ээлжид тус төслийн хоёрдугаар шугам болох Яармаг, Арцат-Өнөр хороолол чиглэлийн ТЭЗҮ-ийг баталжээ. Түүнчлэн Францын талаас хоёр буудал, 19 тулгуур баганын холбогч анкоруудыг хүлээн авсан байна.

 Харин хоёр буудлын тоног төхөөрөмжүүд болон Т1-Т8 тулгуур багануудыг дөрөвдүгээр сард хүлээн авна. Кабинуудыг нь дөрөвдүгээр сараас үйлдвэрлэж эхлэх юм байна.

Дүүжин замын тээвэр нь 4.2 км урттай, хоёр зогсоолтой, 7.5-42 метрийн өндөр, нийт 19 тулгуур баганатай байхаар төлөвлөжээ. Оргил цагийн үед 2320 хүн тээвэрлэх хүчин чадалтай, тус бүрдээ 10 хүний багтаамж бүхий нийт 98 кабинтай байх юм. Яармаг, Арцат-Өнөр хороолол чиглэлд 22 км цагийн хурдтайгаар зорчигчдыг 11 минутад хүргэх тооцоололтой байна. Дүүжин замын тээвэр ашиглалтад орнсы дараа бүрэн хүчин чадлаар ажиллах үеийн технологийн туршилт, зүгшрүүлэлтийг гурван сарын хугацаанд гүйцэтгэх юм. Энэ үед зорчигч огт тээвэрлэхгүй. Бүрэн хүчин чадлаараа ажиллах үеийн туршилтыг тухайн кабины багтаамжаас шалтгаалж түүнтэй дүйцэхүйц жинтэй ус, шуудайтай элс зэргээр орлуулан турших аж.