БНХАУ-ын Гаалийн байгууллагын мэдээлснээр Монгол, Уругвай, Бразил, Аргентин зэрэг улсын мах нийлүүлэх долоон байгууллагаас үхрийн мах импортлохоо зогсоожээ. Одоогоор Монголын чухам ямар байгууллага импортын хоригт орсон нь тодорхойгүй байна. БНХАУ-ын Худалдааны байгууллагын судалгаагаар БНХАУ-д үхрийн махны импорт өсөж байгаа нь эрүүл ахуйн шаардлагыг дээд зэргээр сахин мөрдүүлэх шаардлагатай болсныг судалгаанд дурджээ.

Импортлохоо зогсоосон Өмнөд Америкийн дээрх улсуудтай үхрийн махны импортын тал дээр сүүлийн жилүүдэд ихээхэн үр дүнтэй хамтран ажиллаж байсан юм. Цаашид хоригт орсон компаниудын үйл ажиллагааг хэзээ сэргээх нь тодорхой болоогүй байна.