Тээврийн хэрэгслийн улсын дугаарын тэгш, сондгойгоор хязгаарлан хөдөлгөөнд оролцуулах зохицуулалт өнөөдөр 20.00 цагт дуусна. Холбогдох байгууллагаас энэ сарын 22-27-ны өдрийг дуустал тээврийн хэрэгслийг дээрхээр хязгаарлан зохицуулах журам үйлчилж эхэлсэн юм.

Сар шинийн баярын өмнөх өдрүүдэд томоохон зах, худалдааны төвийг чиглэсэн хөдөлгөөн эрс нэмэгдэж, ачаалал үүсэж, тухайн бүсэд хөдөлгөөний дундаж хурд 5км/ц болж байлаа. Чухам иймээс тээврийн хэрэгслийн улсын дугаарын тэгш, сондгойгоор хязгаарлах зохицуулалт үйлчилж эхэлсэн билээ.

Битүүний өдөр буюу маргаашаас эхлэн энгийн үед мөрдөгддөг журам үйлчилж эхэлнэ. Өөрөөр хэлбэл 0, 5-аар төгссөн дугаартай тээврийн хэрэгсэл хөдөлгөөнд оролцохгүй. Харин сар шинийн баярын өдрүүдэд буюу гуравдугаар сарын 1-5-ны өдрийг дуустал дугаарын хязгаарлалт үйлчлэхгүй байхаар болжээ.