Монгол Улсын банкны системд 2025 оны дөрөвдүгээр сарын 01-ний өдрөөс эхлэн хуучин дансны дугаарлалтыг ашиглахгүй, IBAN дансны дугаарлалтыг шинээр нэвтрүүлэх гэж байна. Ингэснээр харилцагч та бүхэн өөрийн IBAN дансны дугаарлалтыг ашиглан төлбөр тооцоогоо түргэн шуурхай гүйцэтгэх боломжтой болох юм.

Банк тус бүрийн дугаар өөр бөгөөд Монгол Улсын Хөгжлийн банк нь 0036 дугаартай байхыг харилцагч та бүхэндээ мэдээлж байна.

IBAN дансны дугаарлалт гэж юу вэ?

- IBAN дансны дугаарлалт (International Bank Account Number)” гэдэг нь олон улсын төлбөр тооцоонд ашиглах боломжтой 20 орон бүхий ISO13616-1, 2 стандартаар үүсгэсэн харилцагчийн дансны дугаарыг хэлнэ.

IBAN дансны дугаарлалтын давуу тал:

- Хүлээн авагчийн дансны дугаар алдаатай эсэхийг шалгах боломжтой ба шилжүүлэг буцах болон саатах эрсдэлээс урьдчилан сэргийлнэ.

- IBAN нь олон улсын гүйлгээг хялбар, аюулгүй, үр ашигтай болгодог тул хил дамнасан худалдаа эрхэлдэг бизнесийн байгууллагууд болон хэрэглэгчдэд өндөр ач холбогдолтой.