Дүүжин замын тээвэр төслийн нөлөөллийн бүсэд хамааралтай аж ахуйн нэгж, иргэдийн төлөөлөл төлөөллүүд уг төслийг дэмжжээ. Тодруулал, Дүүжин замын тээвэр төслийн нөлөөллийн бүсэд хамаарагдах аж ахуйн нэгж болон иргэдэд мэдээлэл хүргэх, тэдний саналыг сонсох уулзалт хэлэлцүүлэгт оролцсон Баянгол дүүргийн 29, Хан-Уул дүүргийн 4 дүгээр хорооны иргэдийн төлөөлөл дэмжсэн байна.

Хэлэлцүүлэгт оролцсон иргэд шинэ бүтээн байгуулалтыг эхлэхдээ төсөвтөө тааруулж, төлөвлөсөн хугацаандаа ашиглалтад оруулах, хөдөлмөрийн аюулгүй байдлыг ханган ажиллах шаардлагатай хэлж байсан юм.

Дүүжин тээврийн барилга угсралтыг энэ оны гуравдугаар сараас эхлэхээр төлөвлөж буй. Одоогоор төслийн байгаль орчны нөлөөлллийн нарийвчилсан үнэлгээний тайланг боловсруулж байна.
Улаанбаатар хотын нийтийн тээврийн төрөл, хүртээмжийг нэмэгдүүлэх, түгжрэлийг бууруулах зорилгоор “Улаанбаатар кабель кар”-ын шавыг 2024 оны дөрөвүгээр сард тавьсан юм. Энэхүү ажлын хүрээнд Яармагийн Арцатаас, 1-р хороолол хүртэл үргэлжлэх 4.2 км урт, хоёр зогсоол, 19 тулгуур багана бүхий дүүжин замын тээврийн шугам байгуулахаар төлөвлөсөн билээ. Дүүжин тээвэр ашиглалтад орсноор нийслэлийн баруун болон урд бүсийн нийтийн тээврийн зорчигчдын 18% нь хамрагдана гэж тооцоолсон юм.