Их Британийн эрдэмтэд өнгөрсөн оны есдүгээр сард томоохон судалгаа явуулж, хүн өдөрт хэдэн аяга кофе уух нь зохистойг тодорхойлохыг оролджээ. Кофе хүний эрүүл мэндийг хамгаалах, зүрх судасны өвчлөл, чихрийн шижин зэрэг олон төрлийн өвчнөөс холуур тойроход хэр нөлөөтэйг судалсан аж. Мөн өнгөрсөн нэгдүгээр сард гарсан бас нэгэн судалгаагаар өглөө кофе уух нь цаг бусын үхэл, зүрх судасны өвчлөлөөс сэргийлэх ашиг тустайг тодорхойлсон байна.

Ерөнхийдөө кофены тунг тохируулан хэрэглэснээр дээр дурдсан өвчнүүдээс гадна дэмийрэх сэтгэцийн өвчин, хорт хавдар тусахаас сэргийлэх эрүүл мэндийн ашиг тустай гэж дүгнэж болох юм байна. Кофе нь үл исэлдүүлэгч болон үрэвсэл дарагч бодиснууд агуулдаг учир хорт хавдараас сэргийлэхэд тун тохиромжтой. Инсулин дэмжигч бодис агуулдаг учир цусан дахь сахарын хэмжээг тогтмол барихад тустай.

Хамгийн чухал мэдээллийг хүргэхэд: дээрх ашиг тусыг авахыг тулд хүн өдөрт хоёроос дөрвөн аяга кофе уух хэрэгтэй.

Их Британид 2024 онд явуулсан судалгаагаар өдөрт гурван аяга кофе тогтмол уудаг хүмүүсийг кофе бага уудаг болон огт уудаггүй хүмүүстэй харьцуулахад шинээр олон төрлийн зүрх судасны өвчинд нэрвэгдэх эрсдэл нь 48% бага болохыг тогтоосон байна. Харин 2022 оны судалгаагаар өдөрт хоёроос гурван аяга кофе уудаг хүмүүсийн дундах цаг бусаар өнгөрөх тохиолдол маш бага байжээ.

Гэхдээ нэг зүйлийг анхааруулахад найруулдаг болон чанадаг кофений ашиг тус тэнгэр, газар шиг. Чанадаг кофе ууснаар цаг бусаар нас барах эрсдэлийг эрс бууруулахад 27%-ийн нөлөөтэй бол найруулдаг кофе ердөө 11%-ийн нөлөө үзүүлдэг аж. Эрдэмтдийн зөвлөж буйгаар хүн хоногт 400мг каффейн авч байх нь эрүүл мэндээ сайжруулахад шууд эерэг нөлөөтэй юм байна шүү.