Энэ сарын 10-нд эхэлсэн “Аялал жуулчлалын долоо хоног- 2025” чуулганы үеэр өнгөрсөн оны аялал жуучлалын салбартай холбоотой тоон мэдээллүүдийг нэгтгэн танилцуулсан байна. Цар тахлын жилүүдэд гадаадын жуулчдын хөл татарсан ч гэлээ дотоодын аялал жуулчлал эсрэгээрээ нэн сайн хөгжсөн. Хөл хориотой зогсонги жилүүдэд Монгол Улс аялал жуучлалын салбарт 1.6 их наяд төгрөгийн алдагдал хүлээсэн бол 2023 оноос байдал сэргэж 1.2 их наяд төгрөгийн орлого олсон байна. Энэ нь аажмаас өсөж 2024 онд 808,956 жуулчин хүлээж авч 1.6 их наяд төгрөгийн орлого олжээ. Манай улс 2030 он гэхэд жилд хоёр сая жуулчин хүлээн авч аялал жуулчлалын салбарын орлогыг найман тэрбум долларт хүргэх зорилт тавин ажиллаж байгаа билээ.