​Зам тээврийн салбарын ээлжит статистик мэдээллийг танилцуулж байна. 2025 оны нэгдүгээр сарын 01-нээс хоёрдугаар сарын 09-ний байдлаар салбарын нийт ачаа тээвэр 11.9 сая тонн, үүнээс авто тээврийн ачаа 7.3 сая тонн, төмөр замын ачаа 4.6 сая тонн, агаарын тээврийн ачаа 0.8 мянган тонн хүрсэн үзүүлэлттэй байна.

Түүнчлэн дээрх хугацаанд 14.8 сая зорчигч тээвэрлэснээс нийслэлийн нийтийн тээврээр 14.1 сая зорчигч, авто тээврийн улс болон хот хооронд 230.7 мянган зорчигч, агаарын тээврээр 231.6 мянган зорчигч, төмөр замаар 178.1 мянган зорчигч тус тус тээвэрлэжээ.

Агаарын тээврийн статистикаас харвал долоо хоногт дунджаар 35 мянган зорчигч агаарын тээврээр зорчсон ба энэ нь өнгөрсөн жилийн мөн үетэй харьцуулахад 16.6 хувиар өссөн үзүүлэлт аж. Харин авто тээврээр үйлдсэн ачаа тээврийн статистикийг харвал, Гашуунсухайт боомтоор хамгийн их буюу 6492 тээврийн хэрэгсэл зорчиж, нийт 759 мянган тонн ачаа тээвэрлэжээ.