Хууль зүй, дотоод хэргийн сайд О.Алтангэрэл өнөөдөр цаг үеийн асуудлаар мэдээлэл өглөө. Энэхүү мэдээллээр нэг дор зургаан хүн угаартаж амиа алдсан хэргийн талаар болон хэргийн хохирогч болсон байлдагчийн мэдээлэл хийсэнтэй холбогдуулан тайлбар хийсэн юм.

Тэрбээр мэдээлэлдээ "Юуны өмнө 2025 оны нэгдүгээр сарын 23-ны өдөр эрдэнэт хүний амь нас хохирч, ар гэр, төрөл төрөгсдөд нь нөхөж баршгүй хүнд гарз тохиосонд эмгэнэл илэрхийлье... Хохирогчдын хувийн эмзэг мэдээллийг агуулсан, хүн харахад цагдаагийн байгууллагын рапорт хэлбэрээр бичигдсэн мэдээлэл цахим орчинд 21:00 цагийн орчимд цацагдсан. Энэ нь Монгол Улсад хүчин төгөлдөр үйлчилж байгаа хүний хувийн нууцыг хамгаалах тухай хуулийг ноцтой зөрчсөн асуудал. Эдгээр мэдээлэлд дурдсан зарим зүйл нь цагдаагийн байгууллагад огт бүргэгдээгүй мэдээлэл байсан, зарим нь үнэнд нийцэхгүй ташаа мэдээлэл байсан. Иймээс үүнийг зориудаар тараасан байж болзошгүй гэж үзэж байна” гэсэн юм.

Өчигдөр мэдээлэл хийсэн О.Одбаяр нь сахилгын зөрчилгүй, хугацаат цэргийн албаа нэр төртэй хааж байсан гэдгийг хэллээ. Түүнчлэн О.Одбаярын ээж нь архины ямар нэгэн хамааралгүй байсан гэдгийг мэдээлэлдээ онцоллоо.