Хоёр жилийн өмнө олон тэрбум ам.доллароор хэмжигдэх никелийн луйвартай холбоотой асуудлаар Трафигура компани дэлхийн томоохон банк санхүүгийн байгууллагуудыг шүүхэд дуудах хүсэлтээ илгээжээ. Тэд Нью-Йоркийн тойргийн шүүхэд хүсэлт гаргаж алдарт “Bank of America”, “Bank of China”, “Bank of New York Mellon Corp”., “Barclays Plc”, “BNP Paribas SA”, “Citibank”, “Commerzbank AG”, “Deutsche Bank AG” зэрэг 20 гаруй нэр хүндтэй банк санхүүгийн байгууллагыг шүүхэд ирүүлж, тайлбар, мэдээлэл авахаар болсон байна.

Одоогоос хоёр жилийн өмнө 2022 оны 12 дугаар сарын сүүлээр тэрбумтан Пратек Гуптагаас 600 сая ам.долларын никелийн тээвэр хийхээр болсон ч тухайн тээвэрт ямар ч никель байгаагүй нь тогтоогджээ. Эх сурвалжууд Гуптатай холбоотой компаниудыг луйварчид гэж үздэг.

Анхандаа энэ хэрэгт Трафигураг холбон шалгаж байсан ч олонх мэдүүлэгтээ Трафигура нь энэ хэргийн хохирогч гэдгээ мэдүүлсээр байсан юм. Тиймээс өнгөрсөн онд мэдэгдэл гаргаж шүүхээр шударгаар асуудлаа шийднэ гэдгээ мэдэгдсэн билээ.

Гэсэн ч тэрбумтан Пратек Гупта Лондонд болсон шүүх хурал дээр өөрт нь тулгасан ялыг үгүйсгэсээр байсан юм. Энэ асуудал нь Трафигурагийн санхүүгийн олон асуудал дээр нэрмээс болж алдагдал хүлээх эрсдэлтэй байгаа тул ийнхүү санхүүгийн томоохон байгууллагуудыг шүүхэд дуудан ирүүлж, Гуптатай холбогдох санхүүгийн мэдээллийг ил болгохыг шаардсан байна.