Эрчим хүчний найдвартай эх үүвсэрийн эрэлд гарсан хүн төрөлхтний бас нэгэн гайхалтай төсөл бол хиймэл нар бөгөөд энэ төслийг хэрэгжүүлж буй БНХАУ-ын эрдэмтэд хэт халуун плазмаг барьж тогтоох хугацааг уртасгаж, шинэ дээд амжилт тогтоож, хязгааргүй цэвэр эрчим хүч гаргаж авахад дахин нэг шатаар урагшилсан талаар мэдээллээ. EAST буюу супер агуулах чадвар бүхий дэвшилтэт токамак цөмийн нэгдлийн реакторын дөрөв дэх төлөвийн матери буюу плазмаг битүүмжлэн агуулах эргэлдүүрийг ажиллагааг 1,066 секундын турш тогтвортой ажиллуулж чадсан гэж Хятадын төрийн мэдлийн мэдээллийн агентлагууд мэдээлэв. Үүний өмнөх амжилт 403 секунд гэж хэмжигдэж байлаа. Манай гарагийн амьдралыг тэтгэгч нартай ижил зарчмаар ажилладаг цөмийн нэгдлийн реакторыг хиймэл нар гэж нэрлэсэн ба хоёр хөнгөн атомыг нэгтгэж, хэт халуун болон өндөр даралтын нөлөөгөөр урвалжуулж, нэг хүнд атом болгоод эрчим хүч гарган авдаг технологи. Хэрэв энэхүү хиймэл нарыг ажиллуулах арга ухаанг олж чадвал хүн төрөлхтөн хүлэмжийн хийн ялгарал болон цөмийн хаягдалгүйгээр хязгааргүй эрчим хүчтэй болох бололж бүрдэнэ. Энэ технологийг эрдэмтэд 70 гаруй жилийн өмнөөс боловсруулж эхэлсэн боловч цаг уурын хямралын нөлөөгөөр төдийлөн ахицтай урагшилж чадахгүй байгаа юм байна.