Олон сая хүний нүдийг орой дээр нь гаргасан хэрэг Хятадад болжээ. Өдгөө 63 настай Лиу Лиангө гэх эр дөрөв дэх залуу эхнэртэйгээ хуримаа хийсэн нь ийнхүү олныг цочирдуулсан байна. Учир нь, тэрбээр хүү нь найз охинтойгоо гэрлэх зөвшөөрөл авахаар аавтайгаа уулзуулахад дөрөв дэх эхнэртэйгээ анх учирсан гэнэ. Ингээд энэ явдалаас зургаан сарын дараа хүүгийнх нь санаанд ч багтамгүй явдал болсон нь Лиу Лиангө зиндаа тохирохгүй тул эс зөвшөөрсөн найз охиныг нь албан ёсны эхнэрээ болгожээ.

Бүр сонирхолтой нь Лиу Лиангө нь Хятадын төрийн өмчит “Том дөрөв”-ийн нэг Хятадын банкны даргаар ажилладаг учир олны анхааралд байдаг хүн аж. Харамсалтай нь, тэр 2023 оны аравдугаар сард Хятадын Коммунист намаас хөөгдсөнөөр амьдрал нь уруудаж эхэлсэн байна. Лиу Лиангө 121 сая юанийн авлига авсан, 3.62 тэрбум юанийн чанаргүй зээл олгосон хэргээр өнгөрсөн оны аравдугаар сард ажлаасаа халагдаж, арваннэгдүгээр сард шүүхээс цаазаар авах ял сонсчээ. Гэхдээ тэр хохирлоо барагдуулж, нуусан хөрөнгөө гаргаж өгсөн тул шүүхийн тогтоол гүцэтгэхийг хоёр жилээр хойшлуулсан байна. Хэрэв энэ хугацаанд ямар нэгэн хуулийн зөрчил гаргавал оноосон ялыг шууд гүйцэтгэнэ.

Хүүгийнхээ найз охиныг булааж авсан Лиу Лиангө өмнө нь гурван удаа гэрлэхдээ, шинэ эхнэрүүд нь өмнөхөөсөө насаар залуу эмэгтэйчүүд байсны адилаар дөрөв дэх нь ч өмнөх гурваасаа хамаагүй залуу бүсгүй гэнэ. Гэтэл өнөөх залуу эхнэр ч гэсэн үл бүтэх этгээд бөгөөд олон арван сая юанийн өрөө дарахын тулд баян айлын эрх хүүхэд уургалах санаархалтай яваад аавтай нь гэрлэсэн паян хожим илэрчээ.