Чингэлтэй дүүргийн Засаг дарга тус дүүргийн төвийн хороодод өдрийн цагаар хог хаяхыг хориглох заримж гаргажээ. Уг захирамжид зааснаар зөвхөн 18-21 цагийн хооронд л зориулалтын хогийн цэгүүдэд хог хаях боломжтой болж байгаа юм байна. Төвийн хороод гэдэг нь Улаанбаатар хотын төв хэсгээр орших тус дүүргийн нутагт багтах орон сууцны хорооллуудыг хэлж байгаа бөгөөд хувь хүн болон аж ахуйн нэгжүүд уг захирамжийг зөрчиж, зөвшөөрөлгүй цагаар хог хаявал Зөрчлийн тухай хуульд үндэслэн торгуулийн арга хэмжээ авахуулна.

Учир нь, Чингэлтэй дүүргийн хэмжээнд хог ачих ажил хоногт гурван удаа явуулдаг ч иргэд хүссэн үедээ хог хаясаар Тохижилт үйлчилгээний компанийн ажилчдад асар их ачаалал үүсгэж, орчны цэвэр цэмцгэр байдлыг хангахад хүндрэл учруулдаг байна.