Баянхонгор аймгийн төвөөс урд зүгт 268 км-т Баянговь сумын төвөөс баруун хойд зүгт 28 км-т, Өрхөт багийн “Адгийн шаваг” гэдэг газар  нэгдүгээр сарын 08-ны өдрийн 20:13 цагт газар хөдлөлт болжээ. Тодруулбал, 3.6 магнитудын хүчтэй газар хөдөлсөн байна. Энэ тухай мэдээллийг мөн өдрийн 20:19 цагт ООГХ-ээс цахим шуудангаар ирүүлжээ.

Тус аймгийн Онцгой байдлын газраар дамжуулан Баянговь сумын Засаг дарга, Өрхөт багийн Засаг дарга болон малчдаас тодруулахад газар хөдлөлтийн чичирхийлэл мэдрэгдээгүй, учирсан хохиролгүй тухай мэдээллээ.