Өнөөдөр өглөө 9 цаг 3 минутанд "Муан" нисэх онгоцны буудалд “Jeju Air”-ийн 175 зорчигчтой онгоц газардах үедээ осолдсон. Уг онгоцонд нисгэгч үйлчлэгч зургаа, зорчигч 175 нийт 181 хүн зорчиж байсан байна.

Энэхүү онгоцны ослоос болж нас барсан иргэдийн тоо нэмэгдсээр байна. Хамгийн сүүлийн үеийн мэдээллээр 181 хүнээс 124 хүн нас барсан нь тогтоогдоод байна. Онгоцонд байсан 181 хүнээс 2 нь Тайланд улсын ирсэн бусад нь Солонгос улсын иргэд байжээ.

Амьд гарсан 2 хүн онгоцны үйлчлэгч байсан бөгөөд онгоцны сүүл хэсэгт сууж иргэдэд үйлчилдэг байсан байна. Энэхүү онгоц нь Тайландын Бангкок хотоос БНСУ-ын Муан онгоцны буудал руу ирж байсан бөгөөд одоогоор ослын шалтгааныг тогтоохоор ажиллаж байна. Аврах ажиллагаа үргэлжилж байна.