Монгол орны хөгжил цэцэглэлт, олон улсын харилцаанд үнэтэй хувь нэмэр оруулсан, улс төр, нийгмийн нэрт зүтгэлтэн Жамсрангийн Самбуу агсны алдар гавьяаг манхжүүлж, түүний мэндэлсний 130 жилийн ойг хүндэтгэл төгөлдөр тэмдэглэх талаар авах арга хэмжээний тухай УИХ-ын тогтоолыг хэлэлцэж баталлаа. Ойг тэмдэглэн өнгөрүүлэх төсөл боловсруулж, түүний амьдрал, үйл ажиллагааг судлан тодруулах, залуу үед сурталчлан таниулах ажлыг үндэсний хэмжээнд зохион байгуулах нь ач холбогдолтой явдал мөн гэж үзэн улсын төсвөөс 150 сая төгрөг төсөвлөсөн байна.

Төсөвлөсөн хөрөнгөөр Ж.Самбуу агсны гар бичмэлийг ном болгон гаргах, баримтат нэвтрүүлэг, кино хийхээс гадна мал аж ахуй, газар тариалан, гадаад харилцаа, төрийн хүчний ёс суртахуунтай холбоотой эрдэм шинжилгээний цогц хурал зохион байгуулахад зориулна.

Ж.Самбуу 1895 оны зургаадугаар сарын 27-нд тухайн үеийн Чин улсын Түшээт хан аймгийн Зоригт ван Цэрэнбаавайн хошуунд төржээ.