Дэлхийн зах зээл дээр алтны үнэ унц нь 2250 ам.доллароос давж, шинэ дээд амжилт тогтоолоо. Өнгөрсөн долоо хоногт хэд, хэдэн удаа хэлбэлзэн, дээд амжилт тогтоогоод байсан билээ. Төв банкнууд бодлогын хүүгээ бууруулах тухай таамаглал нэмэгдэж, Газын зурвасын дайнаас үүдэн Ойрх Дорнодын орнуудын хямрал үргэлжилж, Украины дайн дуусах төлөвгүй байгаа нь алтны үнэ өсөхөд нөлөөлж байна. Энэ улиралд л гэхэд алтны үнэ найм орчим хувиар өсжээ. Ингэснээр өсөлтөөрөө ихэнх түүхий эдийг ардаа орхиод байна. Америкийн хэд, хэдэн банкнууд энэ онд алтны үнэ унц нь 2500 ам.доллароос давж магадгүй гэж таамаглаад байгаа билээ. Цаашид ч алтны үнэ өсөх хандлагатай байна.
Эх сурвалж: NBC
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд SHUGELULEEGCH.mn хариуцлага хүлээхгүй.