Монгол Улсын нийт гадаад өр оны эхний есөн сарын байдлаар 35.6 тэрбум ам.доллар болж, өмнөх оны мөн үеэс 7.2% өссөн байна. Үүнд шууд хөрөнгө оруулалт, компани хоорондын зээл 16.6% өссөн нь голлон нөлөөлжээ.

Мөн хугацаанд Засгийн газрын гадаад өр 7.8 сая ам.доллар болж өмнөх оныхоос 4.5% өссөн бол нийт өр нь 30.3 их наяд төгрөг болж 1.8% буурсан байна. Энэ оны 1-9-р сард Засгийн газрын өрийн үндсэн төлбөрт 1.7 их наяд төгрөг, хүүгийн төлбөрт нэг их наяд төгрөг төлсөн юм.

Засгийн газрын өр ДНБ-тэй дүйх хувь 2025 онд 55%, 2026 онд 50%-тай тэнцэх хүлээлттэй байгааг Төсвийн байнгын хороо мэдээлж байсан билээ.