Улаанбаатар хот болон Говь-Алтай, Орхон, Булган, Ховд аймагт нийт 130 орчим сургагч багш бэлтгэж, ахлах ангийн нийт 5000 сурагчдад санхүүгийн боловсрол олгох level-Up дэд хөтөлбөрт ийнхүү эхэллээ.

Хөтөлбөр 2025 оны 1 дүгээр сарын 15-ны өдрөөс 6 дугаар сарын 15-ны өдрийн хооронд үргэлжилнэ.

Дэд хөтөлбөрийн хүрээнд УИХ-ын даргын зөвлөх Н.Булгантамир, Монгол банкны ОНСБТ-ийн захирал Б.Одонтунгалаг болон тус төвийн 3 мэргэжилтэн, Боловсролын ерөнхий газрын 1 мэргэжилтэн, нийт 8 хүний бүрэлдэхүүнтэй баг Говь-Алтай аймгийн Боловсролын газар, Монгол банкны салбартай хамтран ажиллаж байна.

Говь-Алтай аймагт Level-UP хөтөлбөрт сонгогдсон ерөнхий боловсролын 5 сургуулийн болон насан туршийн суралцахуйн төвийн багш нар, Монгол банкны салбарын ажилчдын төлөөлөл нийт 25 хүн сургагч багшийн сургалтад, ахлах ангийн нийт 1330 гаруй сурагчид Level-UP хөтөлбөрийг таниулах, “Хувийн санхүүгээ удирдах” сэдэвт сургалтад хамрагдаж байна.