“Жолооны Улсын шалгалт” Зэвсэгт хүчний 110 дугаар ангийн байрлалд 3 дугаар сарын 26-аас 28-ны өдрүүдэд явагдаж байна. Зэвсэгт хүчний 011 дүгээр ангийн жолооны сургалтын Хөдөлгөөнт бүлэг Орхон аймагт 02 дугаар сарын 01-ний өдрөөс эхлэн 2 сарын хугацаатай В, С, М ангиллаар жолооны сургалтыг зохион байгуулж байгаа юм.

Сургалтад Зэвсэгт хүчний 110 дугаар ангийн офицер, ахлагч, алба хаагч, хугацаат цэргийн алба хаагчдаас бүрдсэн нийт 86 алба хаагч хамрагдаж 26-ны өдөр онолын шалгалтаа өгөөд байна. Онолын шалгалтдаа тэнцсэн алба хаагчид дараагийн шалгалтдаа хамрагдана. Энэхүү сургалтын хөдөлгөөнт бүлэг нь хугацаат цэргийн алба хаагчдыг алба хаах хугацаандаа сайн жолооч болох боломжийг олгодог Зэвсэгт хүчний шилдэг хамт олон юм гэж ЗХЖШ-ын хэвлэл мэдээллийн албанаас мэдээллээ.