Нийгэм

“Монгол тэмээ-тогтвортой хөгжлийн боломж” зөвлөлдөх хурал боллоо

2024/11/15
НҮБ-аас 2024 оныг олон улсын “Тэмээ хамгаалах жил” болгон зарласан. 
Энэ хүрээнд Хүнс, хөдөө аж ахуй, хөнгөн үйлдвэрийн яам, НҮБ-ын Хүнс, хөдөө аж ахуйн байгууллага хамтран “Монгол тэмээ-тогтвортой хөгжлийн боломж” зөвлөлдөх хурал өнөөдөр Төрийн ордонд боллоо.
Уг хурлаар Монголын тэмээний салбарын тогтвортой хөгжлийн асуудлыг хөндөн хэлэлцсэн юм.
Салбарын бүтээмж, ашигт ажиллагаа, уян хатан байдлыг сайжруулах чиглэлд тулгамдаж буй бэрхшээлийг тодорхойлох, шинэлэг арга барил, мэдлэг туршлага хуваалцах, хамтын ажиллагааг дэмжих талаар оролцогчид байр сууриа илэрхийллээ.
ХХААХҮЯ болон НҮБ-ын Хүнс, хөдөө аж ахуйн байгууллагын хамтран хэрэгжүүлж буй “Монгол Улсад Тогтвортой хөгжлийн зорилттой уялдсан төсвийн төлөвлөлтөөр хөдөлмөр эрхлэлтийг дэмжих” нь төслийн хүрээнд иргэний сүү, сүүн бүтээгдэхүүний үйлдвэрлэлийг нэмэгдүүлэх, зах зээлийг хөгжүүлэх замаар тогтвортой хөдөлмөр эрхлэлтийг дэмжих чиглэлд идэвх санаачилга гаргаж ажиллаж байгааг тодотгож байлаа.
Дэлхий дээр нийт 42 сая тэмээ байдгаас нэг сая нь хос бөхт тэмээ юм.
Монгол Улсыг хос бөхт тэмээний өлгий нутаг гэж үздэг бөгөөд говийн бүсийн экосистемийн салшгүй нэг хэсэг үздэг.
Тэмээ нь говийн иргэдийн нүүдлийн уламжлал, ахуй соёл, амьжиргааны гол үндэс суурь болдог билээ гэж Хүнс, хөдөө аж ахуй, хөнгөн үйлдвэрийн яамнаас мэдээллээ.  
 

Холбоотой мэдээ

Замын хөдөлгөөний удирдлагын төв 2025 онд 54 ажил, арга хэмжээг хэрэгжүүлж, гүйцэтгэл дунджаар 95 хувьтай гарчээ
Монгол Улсын засаг захиргаа, нутаг дэвсгэрийн нэгж, түүний удирдлагын тухай хуульд өөрчлөлт оруулах тухай хуулийн төслийг баталлаа
БЗД-ийн 48 дугаар сургуулийн фасад засварын ажил дууслаа

Сэтгэгдэл бичих

Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд SHUGELULEEGCH.mn хариуцлага хүлээхгүй.
Сэтгэгдэл 0