Нийгэм

Улаанбаатар-Хөшигийн хөндий чиглэлийн авто замын хөдөлгөөнийг хязгаарлалаа

2024/03/27
Цаг агаарын нөхцөл байдлаас шалтгаалж, нийт нутгаар үзэгдэх орчин хязгаарлагдмал болох, замын зорчих хэсэгт халтиргаа, гулгаа үүсэх нөхцөл байдал үүсэж байна.
 
Өнөөдөр буюу 2024 оны 03-р сарын 27-ны өдрийн 09:25 цагийн байдлаар А40 дугаартай Улаанбаатар-Хөшигийн хөндий чиглэлийн авто замд ноцтой зам тээврийн осол гарч хөдөлгөөн бүрэн зогссон байна.
 
Тээврийн цагдаагийн албанаас холбогдох шалгалтыг явуулж байна.
 
Зам хариуцагч "Төв АЗЗА" ТӨХК-ийн инженерүүд замын үзлэг, авто замын халтиргаа, гулгааг арилгахаар чиглэл бүрд шуурхай ажиллаж байна.
 
Та бүхэн А25 дугаартай Өндөрдов-Зуунмод-Налайх чиглэлийн авто замд үзэгдэх орчин хязгаарлагдмал байна тул тус чиглэлд хөдөлгөөнд оролцохдоо хурдаа тохируулж хөдөлгөөнд оролцоно уу.
 
- Мөн хажуу хоорондын зайг зөв барьж явах
 
- Хөдөлгөөн эхлэх, чиг өөрчлөн байрлан явах үйлдлийг зөв гүйцэтгэх
 
- Аюул бүхий хэсэгт гүйцэх, гүйцэж түрүүлэх үйлдлийг хийхгүй байх;
 
- Шил арчуур, цан үлээгүүр зэрэг техникийн бүрэн байдлыг хангасан байх,
 
- Зайлшгүй зогсолт хийсэн тохиолдолд бусдад анхааруулах, аюулгүй байдлыг бүрэн хангаж хөдөлгөөнд оролцохыг хүсэж байна.
 
Эх сурвалж: ЗТХЯ

 

Холбоотой мэдээ

​Он гарснаас хойш 45.2 мянган суудлын автомашин импортолжээ
​Инфляц ингэж өслөө, Сангийн бодлого байрандаа...
Нийслэлийн есөн дүүрэгт нөөцийн махны өргөтгөсөн худалдаа болно

Сэтгэгдэл бичих

Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд SHUGELULEEGCH.mn хариуцлага хүлээхгүй.
Сэтгэгдэл 0