Эрэн хайх, аврах ажиллагаанд дэвшилтэт технологи ашиглан, газар орны бодит байдалд нийцүүлэн алба хаагчид өндөр ууланд эрэн хайх, аврах ажиллагааг багаар зохион байгуулах мэргэжлийн ур чадварыг дээшлүүлэх, бие бялдар, сэтгэл зүйн бэлтгэлийг хангах зорилгоор Баянзүрх дүүргийн 11 дүгээр хороо Богд хан уулын “Цэцээ гүн” чиглэлд “Өндөр ууланд эрлийн ажиллагааг нисгэгчгүй нисдэг төхөөрөмж ашиглах дадлага сургууль”-ийг зохион байгууллаа.

 

Дадлага сургуульд Аврах ангийн алба хаагчид эрэн хайх, аврах ажиллагааг зохион байгуулахдаа газар орны цагийн байдлыг үнэлж, эрэн хайх, аврах бүлгүүд радио холбоогоор мэдээ, мэдээллийг шууурхай дамжуулж, нисгэгчгүй нисдэг төхөөрөмж ашиглан эрлийн ажлыг зохион байгуулж, нутаг дэвсгэрийн байршлыг тодорхойлон, нэрвэгдэгчдийг олж, анхан шатны тусламж үзүүлэх дадлагыг хийж, мэдлэг ур чадвараа дээшлүүлсэн.

 

Мөн хээрийн штабыг байгуулж, удирдлага зохицуулалтаар ханган, эрлийн үйл ажиллагааны хүн хүч, техник хэрэгслийг байр зүйн зурагт оруулан, мэдээ, мэдээллийг цаг алдалгүй шуурхай дамжуулах дадлагыг зохион байгуулсан.

 

Хээрийн дадлага сургуульд нийт 30 гаруй алба хаагч хамрагдлаа гэж Нийслэлийн Онцгой байдлын газраас мэдээллээ.