Нийгэм

БНСУ-д оршин суугаа хүүхдүүдэд төрөлх хэл, бичиг үсгээ сурч эзэмшихэд дэмжлэг үзүүлнэ

2024/11/06
Хөдөлмөр, нийгмийн хамгааллын үйлчилгээний төв БНСУ-д оршин суугаа хүүхдүүдэд төрөлх хэл, бичиг үсгээ сурч эзэмшихэд дэмжлэг үзүүлж ажиллана.
 
Өнөөдөр БНСУ дахь Хөдөлмөр, нийгмийн хамгааллын үйлчилгээний төв, Монгол Солонгос хэл бичиг, соёлын төв НҮТББ-ын удирдлагууд хамтран ажиллах гэрээ байгуулав.
 
Гэрээний дагуу хоёр тал Хүүхдийн эрхийн тухай хуулийн 6.1.2-т заасан “Хүүхэд төрөлх хэл, бичиг үсэг, ёс заншил, түүх соёлын уламжлалыг өвлөн эзэмших эрхийг хангах”-д чиглэсэн үйл ажиллагааг хамтран хэрэгжүүлэх юм.
 
БНСУ дахь Монгол Солонгос хэл бичиг, соёлын төв нь 2017 онд байгуулагдсан, монгол хэл, соёлын сургалт, монгол хэлний ярианы болон бичгийн дүрмийн сургалт, монгол бичгийн сургалт гэсэн үндсэн сургалтуудаас гадна хэл засал-ярианы, монгол хэлээр ном унших, морин хуур, монгол бүжиг, солонгос хэл, англи хэлний тусгай сургалтуудыг зохион байгуулдаг гэж БНСУ дахь Хөдөлмөр, нийгмийн хамгааллын үйлчилгээний төвөөс мэдээллээ.  

Холбоотой мэдээ

Шинэ Зеланд Улсын Парламентын Төлөөлөгчдийн танхимын дарга, ноён Жерард Браунли “Чингис хаан” Үндэсний музейд зочиллоо
Монголд дуатлоны Азийн цомын тэмцээн болно
Нийслэлийн хэмжээнд 2025-2026 оны хичээлийн жилд 1 дүгээр ангид 41.000 орчим хүүхэд элсэн суралцаж байна

Сэтгэгдэл бичих

Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд SHUGELULEEGCH.mn хариуцлага хүлээхгүй.
Сэтгэгдэл 0