Нийгэм

Өнөөдөр “Сайн дурын идэвхтнүүдэд талархал илэрхийлэх өдөр”

2024/11/01
Олон улсын улаан загалмай, Улаан хавирган сар хөдөлгөөний хүний нөөцийг бүрдүүлдэг хамгийн чухал хүч нь сайн дурын идэвхтнүүд байдаг.
 
Хүмүүнлэгийн үйлсэд иргэдийн санал санаачилга, идэвх оролцоо, хамтын ажиллагааг дэмжих, сайн дурын идэвхтний сүлжээ, хөдөлгөөнийг хөгжүүлэх нь Монголын улаан загалмай нийгэмлэгийн үйл ажиллагааны үндсэн чиглэл байдаг.
 
Хүмүүнлэгийн үйл ажиллагааг нийгмийн эмзэг бүлгийнхэнд шуурхай хүргэж, гамшиг, ослын үед нэн яаралтай хариу арга хэмжээнүүдэд нэмэлт хүч болж туслах, анхны тусламж үзүүлэхэд өөрсдийн ажлын туршлага, авьяас чадвар, сайхан сэтгэлээ зориулан үнэтэй хувь нэмрээ оруулж ирсэн хүмүүс бол сайн дурын идэвхтнүүд байсаар ирсэн.
 
Тиймээс Монголын улаан загалмай нийгэмлэг 2024 оны 09 дүгээр сарын 19-ний өдрийн Удирдах Зөвлөлийн хурлаар “Сайн дурын идэвхтний бодлого”-ыг баталсан.
 
Тус хурлаар, Сайн дурын идэвхтнүүдийн эгнээг тэлэх, хүмүүнлэгийн үйл ажиллагаанд оролцож буй сайн дурын идэвхтнүүд, аж ахуйн нэгж байгууллагыг олон нийтэд сурталчлах, түгээн дэлгэрүүлэх, тэднийг урамшуулах зорилгоор Сар бүрийн 01-ний өдрийг “Сайн дурын идэвхтнүүддээ Талархал илэрхийлэх өдөр” болгох шийдвэрийг гаргасан юм.
 
Өнөөдөр Улаан загалмайн байгууллагын хэмжээнд Дунд шатны хороод сайн дурын ажилтнууддаа талархал илэрхийлэх, тэднийг урамшуулах, олон нийтэд алдаршуулан сурталчлах арга хэмжээг зохион байгуулна гэж Монголын улаан загалмай нийгэмлэгээс мэдээллээ.

Холбоотой мэдээ

Замын хөдөлгөөний удирдлагын төв 2025 онд 54 ажил, арга хэмжээг хэрэгжүүлж, гүйцэтгэл дунджаар 95 хувьтай гарчээ
Монгол Улсын засаг захиргаа, нутаг дэвсгэрийн нэгж, түүний удирдлагын тухай хуульд өөрчлөлт оруулах тухай хуулийн төслийг баталлаа
БЗД-ийн 48 дугаар сургуулийн фасад засварын ажил дууслаа

Сэтгэгдэл бичих

Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд SHUGELULEEGCH.mn хариуцлага хүлээхгүй.
Сэтгэгдэл 0