АНУ-ын Нью-Йоркийн биржид алтны фючерс хашн өсөж унц нь 2704.80 ам.долларт хүрч шинэ дээд амжилт тогтоолоо. Түүнээс гадна алтны спот ханш ч өсөж 2696.62 ам долларт хүрсэн нь бүх цаг үеийн дээд амжилт юм. Алтны өсөлтөд АНУ-ын Ерөнхийлөгчийн сонгууль тойрсон маргаантай сэдэв, тодорхойгүй байдал, Ойрх Дорнодын сөргөлдөөн, АНУ-ын Холбооны нөөцийн банк мөнгөний бодлогыг зөөлрүүлсэн нь голчлон нөлөөлжээ.

Он гарснаас хойш алтны үнэ 30 гаруй хувиар өссөн юм. Энэ оны эцэс гэхэд энэ өсөлт хэвээр үргэлжлэх бөгөөд унц нь 2941 ам.долларт хүрч өсөх магадлалтай гэж шинжээчид таамаглаж байна. Гэхдээ АНУ-ын Ерөнхийлөгчийн сонгууль, геополитикийн нөхцөл байдлаас шалтгаалан хэлбэлзэх магадлалтай юм.