Орон сууцны үнэ бол иргэдийн анхаарлын төвд хамгийн их байдаг. Тэгвэл Улаанбаатар хотод 2024 оны дөрөвдүгээр улирлын байдлаар орон сууцны үнэ өссөн байна. Өмнөх оны мөн үетэй харьцуулахад өнөөдрийн байдлаар 12.2 хувиар, өнгөрсөн наймдугаар сараас хойш 2.8 хувиар тус, тус өссөн дүнтэй байна. Орон сууцны насжилтаар авч үзвэл шинэ орон сууцны үнэ өмнөх оны мөн үеэс 9.6 хувиар, өмнөх сараас 4 хувиар өсчээ. Харин хуучин орон сууцны үнэ өмнөх оны мөн үеэс 13.8 хувиар, өмнөх сараас 2.1 хувиар тус, тус өсчээ. Өнгөрсөн есдүгээр сард шинэ орон сууцны 1мкв талбайн дундаж үнэ 4 сая 390 мянган төгрөг болж, Хан-Ууул дүүрэгт хамгийн өндөр буюу 4.6 сая төгрөгт хүрэв. Сонгинохайрхан дүүрэгт хамгийн бага буюу мкв нь 2 сая 940 мянган төгрөг, Баянзүрх, Баянгол дүүрэгт 3 сая 910 мянгаас 3 сая 990 мянган төгрөгийн үнэтэй байна.