Энэ сарын 01-нд Франц улсын Парис хотноо загварын шоу болох үеэр дэлхийн алдартай одод чуулсан. Тэдний нэг бол Өмнөд Солонгосын Блекпинк хамтлагийн Женни байсан бөгөөд Холливуудын од Маргарет Куэлли түүнийг ялгаварлан гадуурхаж, арьс өнгөөр нь доромжилсон байна. Женни уг арга хэмжээнд ирэхдээ үсээ шараар будуулсан нь жүжигчний анхаарлыг татаад зогсохгүй үснээс нь барьж үзээд “Чиний үс үнэхээр ийм өнгөтэй юм уу?” гэж асуусан нь олны дургүйцлийг төрүүлжээ. БНСУ-ын хэвлэлүүдээр Маргарет Куэлл ази хүнээс үснийх нь өнгийг асуух нь зохисгүй явдал бөгөөд гол төлөв хар, бор үстэй төрдөг азиудаас тийн асуувал доромжилж, тавласан өөдгүй явдал учраас уучлалт гуйх ёстой гэсэн мэдээлэл олон гарчээ. Үүгээр ч зогсохгүй Женни М.Куэллтэй зураг татуулах гэсэн боловч дөлж зугтан зай барьсан явдал бол яалт ч үгүй арьс өнгөөр ялгаварлан гадуурхаж буйгаа тодоор илэрхийлсэн хэрэг мөн гэж Блекпинкийн фенүүд үнэн голоосоо дургүйцэж буйгаа интернет ертөнцөд илэрхийлсээр байна.