Ёслолын буудлага буюу “Firework” дуугаараа анх алдаршсан дуучин Кейти Перри өнгөрсөн мягмар гарагт “Америкийн шүтээн” шоуны шүүгчээр ажиллаж байсан Алекс Күүперийн хөтлөн явуулдаг “Call her daddy” подкастанд зочноор оролцжээ. Хамгийн сонирхолтой нь тэрбээр гэр доторх бэлгийн амьдралын талаар маш дэлгэрэнгүй ярьсан байна. Кейти Перригийн хувьд гэрийн ажилд тусалдаггүй эрчүүдийг “аюул” гэж тодорхойлоод аяга, тавгаа хэлүүлэлтгүй угаачихдаг бол хамгийн сайн хань гэж ярьжээ. Товчдоо К.Перри гэрийн ажил тэр дундаа гал тогоо маш сайн цэвэрлэдэг эрчүүдэд “нугасгүй” дуртай. Түүний ярианаас олны сонирхлыг хамгийн их татсан нь гал тогоогоо цэмбийтэл цэвэрлэж, сав суулгаа хурааж, шүүгээний хаалгануудаа хаачихсан байхыг хараад тэр дор нь аман сексээр урамшуулдаг гэнэ. Цэмцгэр гал тогоог хараад өөрийн эрхгүй сэтгэл нь хөдөлж, баярласандаа тийм урамшуулал олгодог нь түүний хайрын илэрхийлэл аж. Тэрбээр цааш нь ярихдаа “Надад Феррари хэрэггүй. Би өөрөө худалдаад авчихна. Ердөө л аягаа угаагаад өгчих л даа. Тэгвэл эрхтэнг чинь жаргаагаад өгье. Ийм л амархан шүү дээ!” гэв. Харин хөтлөгч түүнийг алдарт жүжигчин Орландо Блүүмтэй хэрхэн удаан хугацаанд хамт амьдарсан талаар нь асуухад Кейти “Түүнд нэг ид шид байдаг болоод л тэгж удсан байх” гэж хариулжээ.