Ү:23 “Хужирбулан-Офицеруудын ордон” чиглэлийн автобусны эцсийн зогсоолд өөрчлөлт оруулна.

Баянзүрх дүүргийн 28 дугаар хорооны 3 дугаар хэсэгт авто зам тавигдсантай холбоотойгоор нийтийн тээврийн хүртээмжийг нэмэгдүүлэх зорилгоор "Хужирбулан" чиглэлийн автобусны эцсийн зогсоолыг хуучин байршлаас зүүн тийш 800 метрт сунган шинэ эцсийн буудлаар автобусуудыг тойруулан явуулахаар төлөвлөөд байна.

Иймд 2024 оны есдүгээр сарын 4-ний өдрөөс эхлэн шинэ зогсоолоос үйлчилнэ гэж Нийтийн тээврийн бодлогын газраас мэдээллээ.