Алтны ханш өссөөр өнгөрсөн долоо хоногт бүх цаг үеийн дээд түвшинд хүрээд байсан бол алтны спот ханш одоогоор унц нь 2519 ам.долларт хүрээд байна. АНУ-ын Холбооны нөөцийн банк бодлогын хүүг бууруулж эхлэх хугацааг тодорхой болгохоор инфляцын статистикийг анхааралтай ажиглаж байгаа нь ийнхүү ханш өсөх гол шалтгаан болжээ.

Үүнээс гадна Ойрх Дорнод, Украин дахь хямралын хурцадмал байдал, эрэлт зэрэг нь алтны ханш өсөх голлох шалтгаануудын нэг юм. Өнгөрсөн долоо хоногт Холбооны нөөцийн банкны тэргүүн Жером Пауэлл “Бодлогын хүүг бууруулах цаг нь болсон” гэж мэдэгдээд байсан юм. АНУ-ын хувьд хэдийгээр бодлогын хүүг бууруулах хүлээлттэй байгаа ч одоогоор яг хэзээ бууруулж, албажих нь тодорхойгүй байна.