Улс төр

АХБ-тай сэргэгдэх эрчим хүч, цахим эдийн засаг, төр, хувийн хэвшлийн салбарт өргөн хүрээнд хамтарч ажиллахаар болов

2024/07/25
Монгол Улсын Тэргүүн Шадар сайд бөгөөд Эдийн засаг, хөгжлийн сайд Л.Гантөмөр Азийн хөгжлийн банкны Суурин төлөөлөгч хатагтай Шэннон Коулинтай уулзалт хийлээ.

 Уулзалтаар хамтарсан Засгийн газрын тавьсан зорилт, баримтлах бодлогын тэргүүлэх чиглэлийг танилцуулж, энэ хүрээнд АХБ-тай хэрэгжүүлэх хамтын ажиллагааны цар хүрээний талаар дэлгэрэнгүй санал солилцлоо. Цаашид АХБ-тай сэргэгдэх эрчим хүч, цахим эдийн засаг, төр, хувийн хэвшлийн салбарт өргөн хүрээнд хамтарч ажиллахаар тохиролцов.

Энэ жил Монгол Улс, АХБ-ны дунд хугацааны хамтын ажиллагааны стратеги, санхүүжилтийн ерөнхий хөтөлбөр зэрэг цаашдын хамтын ажиллагааны хүрээг тодорхойлсон баримт бичгийг батлах чухал жил тул энэхүү ажилд Эдийн засаг, хөгжлийн яам бүхий л түвшинд хамтарч, дэмжиж ажиллахаа мэдэгдэв.

Холбоотой мэдээ

Шатахууны үнийн өсөлт инфляцыг улам өрдөх нь тодорхой боллоо
Цахилгааны төлбөрийг сар бүрийн 20-30-ны өдрүүдэд төлнө
Нийслэлийн хэмжээнд өнгөрсөн долоо хоногт гал түймрийн 57 дуудлага бүртгэгджээ

Сэтгэгдэл бичих

Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд SHUGELULEEGCH.mn хариуцлага хүлээхгүй.
Сэтгэгдэл 0