Үндэсний статистикийн хорооны мэдээлснээр улсын төсвийн нийт орлого өмнөх үеэс 42.1% хувь өссөн дүн гарсан байна. Ийнхүү орлого өсөхөд татварын орлого 40%, татварын бус орлого 76.6% өсжээ. Татварын орлого 40% өсөх болсны цаад шалтгаан нь иргэд, аж ахуйн нэгж, байгууллагуудад оноох татвар нэмэгдсэн холбоотой. Тухайлбал орлогын албан татвар70 орчим хувь, онцгой албан татвар 53.7%, нэмэгдсэн өртгийналбан татвар 30%, мөн АМНАТ, нийгмийн даатгалын орлого өссөн байна. Татварт эзлэх хувиар нь аваад үзвэл хамгийн өндөр буюу 33.7%-г орлогын албан татвар, 19.9%-г НӨАТ, 15.3%-г нийгмийн даатгалын орлого бүрдүүлжээ.

Хэдийгээр төсвлийн орлого нэмэгдэж, нийт дүнгээрээ ашигтай байгаа ч гэсэн БНХАУ-ын өсөлтийн төлөв саарч, аж үйлдвэрийн салбарын өсөлт удаашрахаас шалтгаалан уул уурхайн бүтээгдэхүүний эрэлт саарч, үнэ буурах төлөвтэй байна. Үүнийг дэлхийн санхүүгийн дөрвөн голлох байгууллага анхааруулаад буй. Үүнээс шалтгаалан төсвийн орлого урт хугацаандаа буурах эрсдэлтэй байгааг Төв банкны тайланд дурджээ.